|
Géigestand vum Mount Januar
De Bertillon-Stull
De Alphonse Bertillon (*22.04.1853 +13.02.1914) war Hëllefsschreiwer bei der Paräisser Police-Präfektur. A senger Funktioun huet hie misse Beschreiwunge vu stroffällege Persounen op Karteikaarten iwwerdroen. Dobäi krut hien d‘Iddi, anthropologesch Kierpermierkmaler opzeschreiwen, amplaz vun éischter allgemenge Beschreiwungen. De Bertillon huet esou den éischte System vun der Persounenidentifizéirung entworf. Domadder huet hien en éischten entscheedenden Beitrag fir d‘wëssenschaftlech Kriminalistik geleescht.
Zu Lëtzebuerg gouf dëse Stull nom Virbild vum Bertillon vum Erkennungsdengscht am Prisong am Gronn fir erkennungsdengschtlech Fotografie benotzt.
Dir kennt dësen Stull, an och den entspriechenden Fotoapparat, an der Dauerausstellung "Police vun fréiher bis haut" am Policemusée zu Capellen gesinn. Visitten sinn ob Rendez-Vous.
DIENER Camille, Januar 2025 |
